KKground: [新聞] 緋聞情侶再合作吳卓羲徐子珊避忌零交流

2011年5月3日星期二

[新聞] 緋聞情侶再合作吳卓羲徐子珊避忌零交流

吳卓羲和徐子珊這對緋聞情侶，繼之前合作單元劇集《你們我們他們》後，兩人近日再度合作新劇《法證先鋒3》。日前該劇在西貢拍攝撞車戲外景，據工作人員透露，兩人起初在現場有傾有講，相當投契，但甫見記者出現，兩人即時彈開九呎，全程零交流，要記者再三要求才肯企定定合照，擺明無私顯見私，睇嚟有啲嘢喎！

吳卓羲和徐子珊07年首度合作劇集《學警出更》，由於戲中兩人飾演表兄妹對手戲不少，兩人朝夕相對下傳出撻着，但對於緋聞兩人同聲否認，在拍攝期間更表現避忌，之後兩人各自有緋聞傳出，兩人緋聞漸被淡忘。

開工常眉來眼去

去年吳卓羲跟徐子珊再度合作劇集《團圓》，不過前車可鑑兩人醒目地，沒再傳出緋聞，今年初單元劇《你們我們他們》亦低調拍攝，成功避過傳媒耳目。不過自拍攝《法證先鋒3》以來，已有工作人員留意到他們經常眉來眼去，知情者說：「佢哋成日細聲講大聲笑，相處得好好。」

日前吳卓羲和徐子珊到西貢拍攝一場撞車戲，據現場工作人員透露，兩人未見記者到場，仍然有傾有講態度親暱，工作人員說：「佢哋一齊喺車度等埋位，雞啄唔斷，見到記者嚟就即時冇再傾偈啦！」就記者現場所見，兩人表現相當避忌，同坐車上也絕少傾談，休息時吳卓羲獨自玩iPad，徐子珊則避上車，最後更要記者三推四請，才能撮合兩人合照，行徑確實相當可疑。