霆鋒同栢芝搞到咁僵，真係令人好無奈，但佢哋關係變差，其實大家一早已估得到。做得呢一行，身心都唔同一般人，要維繫婚姻就更加難，因為太多人參與。為免找自己麻煩，所以我選擇搵一個圈外人做老婆，咁會較容易令感情保鮮。
畀老婆話晒事
我好欣賞一對super star結合而活得幸福，但事實證明總有另一半會慢慢淡出，遷就另一個，永遠唔會有一對超級巨星夫婦可以紅一世，又可以恩愛到暈。因為健康嘅感情，必然係一凹一凸，由一個去遷就另一個，呢啲就係宿命。霆鋒同栢芝亦唔係異數，佢哋咁後生，仲要係咁top，兩個都係super star，但兩個都係凸，太容易火星撞地球，只要個計時炸彈一爆，就一發不可收拾。同外國例子一樣，究竟有邊對巨星夫婦可以一直走到尾呢？如果係我，自己未必做到。
同太太結婚15年，我承認係一個凹男，亦係一個忍讓男。點解？因為覺得男人彈性大啲，加上自己係一個冇所謂嘅人，咪畀太太話事囉，認下低威做衰仔真係冇所謂，總好過為一次嗌交，令雙方感情出現裂痕，世上冇整容技術可以修補呢條裂痕。所以我盡量唔會同老婆嗌交，錫老婆會發達，我知架！
一次誘惑都冇
有人問過我結婚咁耐，有冇試過偷食。我真係唔敢諗，依家狗仔隊太過犀利，喺呢個圈咁耐，明白到我呢類演員形象係幾咁重要，如果偷食同行差踏錯，分分鐘要賠上一生代價。其實偷食個個男人或多或少都想，但只要諗到行差一步，就只係呢一步就會失去事業、老婆同個仔，婚外情只係剎那開心，開心完係咪同另一人結婚，又再遇上一個又會點呢？係惡性循環，我唔想因為一刻快感一鋪清袋，真係淆底架！
好奇怪，唔知係咪自己太過住家男人，近年真係一次誘惑都未遇過，異性緣係好，不過就射歪咗囉！哈哈！可能自己係一個悶蛋啦。仲好，咪做老婆嘅綿羊囉，聽聽話話都不錯呢！
口述：黎耀祥 筆錄：專案組
 |
祥仔認為夫婦應該是一凹一凸的配搭。 |
 |
祥仔與鄧萃雯去年再孖住稱帝封后。 |
(東方日報)
http://orientaldaily.on.cc/cnt/entertainment/20111017/00282_001.html
======================================================
Julia：愈來愈愛我老公
不經不覺，祥仔與現任太太Julia結婚已十五年，兒子正橋亦已長成為半熟男孩。對於祥仔這位好老公，Julia沒有七年之癢，反而愈來愈愛祥仔，她說：「唔知點解，我真係愈來愈鍾意呢個人，佢係一個冇架子嘅人，唔會因為紅咗而改變自己性格，無論對一個高層或一個掃地阿嬸，亦不會改變其做人態度。」
如今Julia跟祥仔關係已不只是兩公婆咁簡單，Julia更身兼祥仔的保母、助手和經理人多職。這些年從祥仔身上，Julia學識好多做人的道理，她說：「不但對任何人要一視同仁，佢令我知道點去適應呢個圈嘅人生百態，做人一定要待人以誠，佢真係好好，我真係愈來愈鍾意我老公。」
 |
祥仔與太太結婚15載，兩人甚少嗌交，因為錫老婆會發達。 |
 |
祥仔經常一家三口出席活動，仔仔正橋長得高大。 |
 |
祥仔予人住家男人形象，與太太孖住拍超市廣告。 |
(東方日報)
======================================================
張可頤指祥仔一家似三合一咖啡
張可頤從初出道與祥仔合作《香港人在廣州》，到現在的《法證先鋒III》，總共合作過三套劇，對於祥仔這個同事，可頤讚不絕口說：「祥仔係一個好拍檔，亦係一個好男人。佢好識分配工作同家庭嘅時間，即使拍緊劇，佢都可以同太太、仔仔三人行，簡直就係三合一咖啡，喺呢個世代真係好難得！」 她又說：「其實我同祥仔合作過幾次，今次《法證III》再合作，我覺得佢愈來愈成熟，記得喺我啱啱入行時，佢真係教識我好多嘢，至今佢雖然做咗兩屆視帝，祥仔依然咁nice，做人貫徹如一。」
 |
可頤讚兩屆視帝祥仔好nice，教識她好多嘢。 |
 |
在《法證III》中，祥仔與可頤好合拍。 |
(東方日報)
http://orientaldaily.on.cc/cnt/entertainment/20111017/00282_003.html
======================================================
祥仔唔敢偷食：真係淆底o架！
黎耀祥好男人形象深入民心，但好男人是否必定要事事規行矩步呢？祥仔誠言：「偷食個個男人都想偷！」可是諗深一層：「真係淆底o架！」與其一子錯會身敗名裂，倒不如乖乖留在太太身邊，做個好男人！
祥仔與太太Julia結婚15年，一直被圈中公認為模範夫妻，但在這個五光十色的圈中，會面對很多誘惑，祥仔坦言不敢多想：「我真係唔敢諗！依家狗仔隊太過犀利！喺呢個圈咁耐，明白到我呢類演員嘅形象係幾咁重要，如果偷食同行差踏錯，分分鐘要賠上一生代價。其實偷食個個男人或多或少都想偷，但只要諗到行差一步，就只係呢一步，就會失去事業、老婆同個仔，婚外情只係剎那開心，開心完係咪同另一個人結婚，再遇上另一個又會點呢？係惡性循環，我唔想因為一刻快感一鋪清袋，真係淆底o架！」
恩愛夫妻全靠「忍」
祥仔透露與太太相處之道是「忍讓」，他說：「我哋結咗婚15年，我係一個凹男，亦係一個忍讓男。男人彈性大啲，畀太太話事，有時認吓低威冇所謂，總好過為一次嗌交，令雙方感情出現裂痕，世上冇整容技術可以修補呢條裂痕，我盡量唔同老婆嗌交，錫老婆會發達，我知㗎！」
鋒芝離婚，祥仔認為超級巨星結合容易造成摩擦，所以選擇娶圈外人做老婆，他說：「做得呢一行，身心都唔同一般人，要維繫婚姻就更加難，因為太多人參與。一對Super Star結合而活得幸福，總要有另一半淡出。健康感情，必然一凹一凸，一個遷就另一個。」
 |
祥仔是「好男人」的典範，還大方分享心得。 |
 |
祥仔與太太及囝囝一家三口，幸福滿瀉！（資料圖片） |
 |
祥仔貴為視帝，事業如日方中，不容有任何差池！（資料圖片） |
(太陽報)
http://the-sun.on.cc/cnt/entertainment/20111017/00470_030.html
======================================================
黎耀祥錫老婆提偷食即淆底
[22:39] 2011/10/16
黎耀祥好男人形象深入民心，但好男人是否必定要事事規行矩步呢？祥仔誠言：「偷食個個男人都想偷！」可是諗深一層：「真係淆底o架！」
祥仔與太太Julia結婚15年，在這個圈中會面對很多誘惑，祥仔坦言不敢多想：「我真係唔敢諗！依家狗仔隊太過犀利！喺呢個圈咁耐，明白到我呢類演員o既形象係幾咁重要，如果偷食同行差踏錯，分分鐘要賠上一生代價。其實偷食個個男人或多或少都想偷，但只要諗到行差一步，就只係呢一步，就會失去事業、老婆同個仔，婚外情只係剎那開心，開心完係咪同另一個人結婚，再遇上另一個又會點呢？係惡性循環，我唔想因為一刻快感一鋪清袋，真係淆底o架！」
祥仔透露與太太相處之道是「忍讓」，他說：「我哋結咗婚15年，我係一個凹男，亦係一個忍讓男。男人彈性大啲，畀太太話事，有時認吓低威冇所謂，總好過為一次嗌交，令雙方感情出現裂痕，世上冇整容技術可以修補呢條裂痕，我盡量唔同老婆嗌交，錫老婆會發達，我知o架！」
 |
祥仔與太太及囝囝一家三口，幸福滿瀉，尤為珍惜！資料圖片 |
 |
祥仔貴為視帝，事業如日方中，不容有任何差池！資料圖片 |
(ONCC)
http://news.on.cc/cnt/entertainment/20111016/bkn-20111016223937509-1016_00862_001.html
沒有留言:
張貼留言