[新聞] 黎耀祥友情價助老友

視帝黎耀祥最近客串老友趙崇基執導的電影《一路有你》，兩人日前接受訪問。提到片中飾演司機的古天樂普通話不純正，趙崇基說：「用古仔原聲講普通話其實好多人都覺得冒險，但我哋深思過，咁樣先係最自然。佢只係司機，毋須要太標準。」

無意闖影圈

講到黎耀祥客串做市井人物，趙崇基說：「佢做電視同電影我都睇過，今次可以話係反璞歸真。佢攞獎前演技已經好好，當年我打友情牌，用 500蚊請佢拍我部《最後判決》，但最後剪晒，佢到家都仲講緊。」祥仔聞言說：「其實都係做番自己，識咗佢（趙崇基） 20年，一定會支持佢。」問祥仔可會多向電影方面發展，他說：「未必喇，因為返 TVB都有 7、 8年，喺出面開過眼界，我鍾意拍電視多啲，感覺同觀眾距離更加近。」


趙崇基邀得視帝黎耀祥（右）客串電影《一路有你》，並大讚他演技出色。