KKground... ......................... . 搜尋文章請按首頁左上角...................................................................................................@留言請按我@

2011年12月3日 星期六

[新聞] 《萬凰之王》穿崩照出街 烏龍茶膠樽入鏡

【明報專訊】無綫劇集《萬凰之王》被網民發現有膠樽烏龍茶出現在清朝宮殿中的穿崩事件,在第19集中,飾演皇帝的陳錦鴻與眾臣子在大殿議事,當鏡頭拉到一個遠鏡時,見到枱上放着一個飲剩三分一的烏龍茶膠樽,網民發現後嘲笑無綫又玩穿越時空。

網民勁彈無綫又再求其製作,估計是有人飲完順手放在枱上,但全場演員及工作人員均視而不見,試後期看片也未有察覺,認真失策!又有網民笑指是否廣告商賣廣告的方式。

《萬凰之王》第19集中,陳錦鴻與臣子議事,網民發現上竟放一個烏龍茶膠樽。



(明報)
http://ol.mingpao.com/cfm/star5.cfm?File=20111203/saa01/mac1.txt
======================================================
陳錦鴻龍枱有膠樽

無綫劇集《萬凰之王》其中一集,近日被網友發現「道光皇帝」陳錦鴻的龍枱上出現現代膠水樽,網友拍下截圖並放網上,引來一番熱烈討論,更有網友惡搞圖片,寫上:「TVB勁」來揶揄無綫。

記者致電該劇監製莊偉健,早上他已收到消息,即時徹查及看回原裝帶:「通常一個鏡頭有幾個take,可能唔小心將唔要嘅鏡頭喺剪輯時放咗入去用,都唔知係人為定電腦嘅錯。我哋要承擔責任,以後劇集出街前都會再睇多幾次,確保唔會出錯。」他更向發現出錯的人致謝捧場。

(東方日報)
http://orientaldaily.on.cc/cnt/entertainment/20111203/00282_016.html
======================================================
胡杏兒瘦到「離罩」

另外,近日有網友發現《萬》劇其中一集的龍枱上有膠水樽,昨日本報記者就此事致電監製求證,他表示可能於剪輯時誤用了廢棄的鏡頭,現仍未確定是人為還是電腦出錯:「我哋覺得要承擔番個責任,好多謝發現出錯嘅人咁捧場。」

(太陽報)
http://the-sun.on.cc/cnt/entertainment/20111203/00470_026.html
======================================================
烏龍皇上嘆烏龍茶




台慶重頭清裝劇《萬凰之王》,被網友發現嚴重穿崩。飾演道光皇帝陳錦鴻的書桌上竟然放有一支膠樽裝津路烏龍茶,究竟是插入式廣告?還是樽裝烏龍茶早在清朝已經有售?

「應該畀番廣告費」

本報記者致電皇上陳錦鴻,他獲悉此事後哈哈大笑說:「演員發現唔到,導演發現唔到,收音發現唔到,監製又發現唔到,剪接都發現唔到,品質監控人亦發現唔到,經過咁多重工序都冇人發現,所以好難得。」他更笑言:「應該畀番廣告費無綫,仲要搵埋我扮皇帝拍廣告,清朝皇帝都鍾意飲喎。」陳錦鴻表示因為一向鍾意飲茶,他會自備不同時代的私家茶杯,拍古裝會自備古裝杯,拍劇時用私家杯,他說:「我冇飲過呢支烏龍茶。」監製莊偉健承認出錯:「係我哋搞錯,其實呢個場口拍咗好多個版本, take咗好多次,我哋亦用電腦進行剪接,唔明點解會整咗個 NG版出街,我哋已經查緊喺邊方面出錯。」他大讚觀眾眼睛好雪亮,以後會再鞭策員工要再做得更好,不能重蹈覆轍。採訪:林妃

清朝宮廷劇《萬凰之王》竟出現膠樽裝烏龍茶,萬凰之王變烏龍之王。





















(蘋果日報)
http://www.ihktv.com/heaven-and-earth-verse-pass-crazy-city.html

沒有留言:

張貼留言